Ambasada finlandeze në Prishtinë - Suomen suurlähetystö Pristinassa

Shtetasit e huaj që udhëtojnë për në Finlandë
Hyrja në Finland dhe qëndrimi atje i shtetasve të huaj është subjekt i dispozitave të Aktit Finlandez për të Huaj dhe Rregullorës së Shengenit.

Shtetasit e vendeve të huaja, janë të detyruar të paraqesin vizën (viza vendase).

Ju duhet të aplikoni për vizë më herët se sa data juaj e planifikuar për udhëtim sepse është shumë e rëndësishme që të ketë kohë të mjaftueshme për procesin e aplikimit për vizë.

Procesi i aplikimit tuaj merr së paku një javë. Aplikimi duhet të dorëzohet personalisht në Ambasadë.

Për vizë Schengen duhet të aplikoni në Ambasadën apo Konzullatën e vendit të destinacionit tuaj kryesor. Në qoftë se asnjë nga vendet nuk është destinimi juaj kryesor atëherë ju duhet të aplikoni në Ambasadën apo Konsullatën e vendit të destinacionit tuaj të parë.

Ju duhet të keni një termin të caktuar për të dorëzuar aplikimin tuaj. Terminin mund ta bëni duke thirrur Ambasadën nga e Hëna deri të Enjten nga ora 9.00- 10.00.
Numri i telefonit është 043 723 723

Dokumentet e nevojshme per aplikim

1. Formulari i aplikimit të vizës
   Formulari që duhet të jetë komplet i plotësuar dhe i nënshkruar
2. Një fotografi tuajën
   Një foto e madhësisë së fotos së pasaportës
   Ju lutem kini parasysh kërkesat:
     a. Fotografia nuk duhet të jetë më e vjetër se 6 muaj, 47mm e gjatë dhe 36mm e gjerë, me
     b. prapavijë të bardhë apo ngjyrë shumë e qelët, të jetë e qartë dhe mirë e fokusuar.
     c. Personi në foto duhet të jetë duke shikuar në drejtim të kamerës (jo profil) me shprehje neutrale (pa buzëqeshje) me sy të hapur dhe të dukshëm.
   
3. Pasaporta (Valide)
   Pasaporta duhet të jetë valide së paku tre (3) muaj pas udhëtimit tuaj (pas kthimit në vendlindje)
4. Sigurimin e udhëtimit
   Sigurimi i udhëtimit duhet të mbulojë gjithë qëndrimin tënd në Finlandë (ju duhet të jeni të siguruar nga data që niseni e deri në datën kur ktheheni në Kosovë). Sigurimi duhet të mbulojë gjithë zonën e Shengenit. Dëmshpërblimi i sigurimit duhet të jetë së paku 30,000 Euro dhe duhet të ju sigurojë juve në rast të ndonjë sëmundje të papritur apo aksident (përfshirë këtu edhe kthimin prapa ne vendlindje) dhe të përfshijë transportin për në shtëpi në rast të vdekjes.
5. Dokumentet tjera shtesë
      a. Certifikata e Lindjes
      b. Certifikata e Martesës
      c. Deklarata e Bashkësisë Familjare
   Ftesa, mund të jetë e shkruar në formë të lirë por që duhet të përfshijë detajet e organizatës apo personit që ju fton, gjithashtu duhet të ketë të shkruar datën e lindjes tuaj, adresën, numrin e pasaportes si dhe qëllimin dhe kohëzgjatjen e vizitës tuaj.
   Nëse vizita është vizitë private, do të ishte mirë të përmendej se cila është mardhënja në mes të të ftuarit dhe atij që ju fton, psh. nëse ai/ajo është një shok, bashkëshort apo kushëri.
   Ju lutem kini parasysh se ftesa nuk është garancion që ju do të merrni vizën.
   Mund të ju kërkohet që të siguroni detaje të tjera përpos atyre të përmendura më lartë, sic mund të jenë: itenerari i udhëtimit tuaj, mjetet e transportit, detaje për udhëtimin kthyes, të ardhurat, pronat dhe detaje të punësimit tuaj.

6. Miratimi Prindëror për fëmijët e mitur
   Nëse fëmijët e mitur planifikojnë të udhëtojnë të pashoqëruar nga prindërit apo kujdestari, ata duhet të kenë miratimin e prindit.
7. Intervista
   Ambasada apo Konsullata gjithashtu mund të ju intervistojë për t'ju pyetur për qëllimin e vizitës tuaj.
8. Nënshkrimi
   Duke e nënshkruar formularin ju jeni përgjegjës për saktësinë e informatave që ju i keni dhënë. Ju duhet të nënshkruani formularin personalisht. Nëse formulari është i panënshkruar, apo dikush tjetër e ka nënshkruar në vendin tënd atëherë ky formulari do të refuzohet.
   Pagesa e shërbimit per vizë është 35 Euro dhe bëhet në Ambasadë.

Burimi i materialit është marrë nga Ambasada Finlandeze në Prishtinë Vizito